PANGRAUH SMK BATIK 1 SURAKARTA

Kamis, 07 Februari 2019

PANGRAUH SMK BATIK 1 SURAKARTA

SMK BATIK 1 Surakarta sampun prapta ring Dinas Kearsipan lan Perpustakaan Provinsi Bali (DAP) tepet dauh kutus lintang tigang dasa galah Indonesia bagian tengah kasangra olih Kepala Dinas kaangganin Kepala Seksi Layanan lan Manfaat Arsip, Ni Nengah Astiti Bakti di ajeng kantor, margi D.I. Panjaitan No. 4 Niti Mandala Renon Denpasar daweg rahina Budha pinanggal 6 Pebruari 2019

Ri kala nyangra sapangrauh SMK BATIK 1 Surakarta Astiti Bakti ngawedarang panganjali rahayuning sapangrawuh taler kalanturang ngawedar parindikan kearsipan. Manut dane arsip dahat mabuat pisan riantuk pinaka bukti otentik indik kawentenan utawi parindikan. Mawinan arsip dahat mabuat patutnyane mangda kajaga lan kalestariang kawentenannya.

Sesampun ngicen sanggrama wacana sane cutet majeng alit-alit inucap sane makueh sia dasa lima lan papat guru panyanding kalanturang antuk macecingak ke ruang layanan kearsipan nyingakin sapunapi antuk ngolah arsip sane becik lan patut. Wenten sane macecingak ring ruang fumigasi taler wenten sane ring ruang pemilahan arsip pada saling magentosan. Manut pinisepuh Arsiparis, Ida Bagus Oka Suarta arsip in aktif pinih mabuat pisan riantuk pinaka catetan (rekaman) parindikan lan kawentenan tur mawiguna ring masyarakat sane muatang. Riantukan asapunika arsip perlu kapilah nganutin fungsi lan kawentenan arsip inucap.

 Manut sinalih tunggil guru panyanding maosang indik tatujon sapangrauhnyane boya sios wantah jagi malajahang anggan sisia-sisian dane majalaran nyingak langsung sapunapi tata cara ngolah arsip sane becik lan patut nganutin ilikita sane sampun kacumawisang olih pemerintah.

Sapangrauh dane kapuputang antuk nyerahang cendera mata (gagapan) lan kalanturang sinarengan mafotret. (soas)